Belçika təmsilçisi ''Vesterlo'' heyətini 2 türkiyəli futbolçu ilə gücləndirib.

“Football-plus.az” xəbər verir ki, bu kollektiv ''Qalatasaray''dan mərkəz müdafiəçisi Emin Bayramı birillik icarəyə götürübsə, ''Trabzonspor''lu Doğucan Haspolat ilə dördillik müqavilə imzalayıb. ''Qalatasaray''ın öz yetirməsi olan 20 yaşlı Emin Bayram əsas heyətə düşməkdə çətinlik çəkir. O, ötən mövsüm cəmi 11 rəsmi oyunda forma geymişdi. 23 yaşlı Doğucan Haspolat isə ''Trabzonspor''a ötən yay 1,2 milyon avro qarşılığında ''Kasımpaşa''dan gəlmişdi. Amma heyətə düşə bilməyən futbolçu yalnız 29 rəsmi oyuna çıxaraq 1 qol, 1 məhsuldar ötürmə ilə fərqlənə bilmişdi. ''Trabzonspor'' bu satışdan 600 min avro qazanacaq. Müqavilədə daha 500 min avro bonuslar nəzərdə tutulub. Sonda xatırladaq ki, ''Vesterlo''nun prezidenti türkiyəli iş adamı Oktay Ərcan, ikinci prezidenti isə ''Fənərbaxça''nın sabiq yönəticisi Hasan Çətinkayadı. Əvvəlki illərdə də bu klubda bir neçə türkiyəli futbolçu çıxış edib.

Əli