UEFA ötən mövsüm üçün Avropa klublarına aid maraqlı statistik raportlar açıqlayıb.

"Football-plus.az" xəbər verir ki, ortaya çıxan rəqəmlər Türkiyə futbolunda vəziyyətin heç də ürəkaçan olmadığını göstərir.

Məsələn, Avropada gənc oyunçulara şans vermək baxımından Türkiyə Yunanıstan ilə birlikdə son 2 pillədə qərarlaşıb! Qardaş ölkənin çempionatında 20 yaşdan aşağı futbolçuların şans qazanma faizi 2-yə bərabərdi! 20-23 yaşlı futbolçular 14 faiz, 24-29 yaşlı futbolçular 52 faiz, 30 və daha yuxarı yaşlı futbolçular isə 32 faiz şans qazanır. Avropada 20 yaşdan aşağı oyunçuların ən çox (11 faiz) şans qazandığı ölkələr Danimarka və İsveçdi. Daha bir diqqətçəkən göstərici Türkiyə klublarının öz yetirmələrinə şans verməsi, daha doğrusu verməməsi ilə bağlıdı.

Məlum olub ki, superliqada hər klubun start heyətində öz yetirmələrinin sayı orta hesabla 1-dən də azdı! Türkiyə klublarının öz yetirmələrini oynatmaq ehtimalı 5 faizdi və Türkiyə bu göstəricidə Avropada son sırada yer alır! Türkiyənin üzərində Yunanıstan, İtaliya və Şotlandiya qərarlaşıb. Danimarka isə siyahıda yenə birinci pillədədi.

ƏLİ