"Qarabağ" son oyunlarda uğursuzluğa düçar oldu. Deyərdim ki, komandanın bəxti də gətirmədi. Hazırda "köhlən atlar"ın üzrərində təzyiq var. Amma inanıram ki, HİK-lə oyunda uğursuzluqlara son qoymaqla təzyiqdən çıxacaqlar. "Qarabağ"ın avrokuboklarda böyük təcrübəsi, eyni zamanda mübarizə əzmi var. Odu ki, Finlandiya təmsilçisindən üstün olacağımızı düşünürəm".

"Adətən, qapıçılar oyunda 10-15 seyv edəndə yox, bir səhvlə daha çox yadda qalır. Hələ o səhv nəticəsində komanda uğursuzluğa məruz qalırsa... Heç kim “Şahruddinin səhvlərinə göz yumun” demir. Amma səhvlər də futbolun bir parçasıdı. Kim idealdı ki?! Ona görə də Şahruddinin üzərinə çox gedilməsinin, qınanmasının tərəfdarı deyiləm. Çoxları kənardan baxıb qiymət verir. Amma futbolun içində olan biri kimi deyim ki, Şahruddin ümumilikdə yaxşı qapıçıdı. Onun çıxışı mənə xoş gəlir. Axşamkı oyunda Şahı da iş başında görəcəyik. İnanıram ki, o ən yaxşı oyunlarından birini keçirməklə komandasının qələbəsində pay sahibi olacaq".