“Qarabağ”ın “Rakuv” qarşısında 4 üstünlüyü - AÇIQLAMA
“Qarabağ” dünən ÇL-in 2-ci təsnifat mərhələsində "Rakuv"a səfərdə 2:3 hesabıyla məğlub oldu.
"Köhlən atlar"ın müdafiəçiləri və qapıçısı kobud səhvlərlə yadda qaldı. "Football-plus.az" saytı olaraq Aslan Kərimovun oyunla bağlı fikirlərini öyrəndik:
"Qarabağ"ın zəif çıxışı gözlənilən idi. Əvvəla ona görə ki, komanda toplanışda tam komplektləşməyib. Veşoviçin sıradan çıxmasının da Ağdam təmsilçisi üçün böyük zərbə olduğunu desək, yanılmarıq. Çünki müdafiəçi sürətli hücumlara qoşulmaq baxımından da fəaldı. Ümumiyyətlə, “Qarabağ"ın əvvəlki illərdəki heyəti daha hazırlıqlı və güclü idi. Birmənalı şəkildə "köhlət atlar"ın hazırkı heyətinin zəif olduğunu demirəm. Sadəcə, bir çox futbolçular hələ də uyğunlaşma prosesi keçməyib. Ötən mövsüm komandaya cəlb olunanlar ümidləri doğrultmur. Rəqib də "Qarabağ"ı yaxşı təhlil etmişdi. Polşalılar yaxşı pressinq tətbiq edirdilər. "Rakuv"un qapıçısı soyuqqanlı idi, ayaqla da yaxşı oynayırdı. Həm rəqib, həm də "köhlən atlar" cinahlarda oxşar səhvlər və kreativliklə seçildi. Belə ki, 4 qol cinahdan təşkil olunan hücumlar nəticəsində vuruldu. İlk hissədə rəqib yaxşı müdafiə olundu. Fasilədən sonra isə bərabər səviyyəli oyun getdi. Qapımıza vurulan qollarda, təbii ki, müdafiəçilərlə qapıçının kobud səhvləri oldu. Əslində isə bunlar kompleks səhvlər idi. Hücum zamanı və ya yarımmüdafiədə top itkiləri qapımızda təhlükə və qolla nəticələndi. Bu təbii ki, Elvinlə Şahruddinin zəif çıxışı və kobud səhvlərinə haqq vermir. Zatən qolkiperin kobud xətalarına heç bir halda haqq qazandırmaq olmaz. Səhvlərin yalnız müdafiə və qapı xəttində olmadığını demək istəyirəm. Bir çox hallarda irəli atılarkən buraxılan səhv sonda qolla nəticələnir. Düşünürəm ki, Ağdam təmsilçisi Polşadakı oyundan nəticə çıxaracaq. Bakıdakı matç bizim üstünlüyümzlə keçəcək. Üstünlüyümüz isə bunlardı:
1. Doğma meydan amili
2. Güclü azarkeş dəstəyi
3. Hava şəraiti. Belə ki, biz Bakının isti, bürkülü havasında oynamağa alışmışıq, rəqib isə yox.
4. "Rakuv"un ilk oyundakı səhvlərini diqqətlə təhlil etməklə zəif cəhətlərindən istifadə etmək.
Sadaladıqlarımı "Qarabağ" nəzərə alsa, mərhələni keçən tərəf olacaq. Amma rəqibi də ciddiyə almaq lazımdı. Tez qol vursaq, yaxşıdı. Amma erkən qol axtarışında olarkən, müdafiəni də yaddan çıxarmaq olmaz. Müdafiədə daha diqqətli olmaq və qapımızın toxunulmazlığını təmin etmək şərtiylə qol və qollar vurmalıyıq".
1. Doğma meydan amili
2. Güclü azarkeş dəstəyi
3. Hava şəraiti. Belə ki, biz Bakının isti, bürkülü havasında oynamağa alışmışıq, rəqib isə yox.
4. "Rakuv"un ilk oyundakı səhvlərini diqqətlə təhlil etməklə zəif cəhətlərindən istifadə etmək.
Sadaladıqlarımı "Qarabağ" nəzərə alsa, mərhələni keçən tərəf olacaq. Amma rəqibi də ciddiyə almaq lazımdı. Tez qol vursaq, yaxşıdı. Amma erkən qol axtarışında olarkən, müdafiəni də yaddan çıxarmaq olmaz. Müdafiədə daha diqqətli olmaq və qapımızın toxunulmazlığını təmin etmək şərtiylə qol və qollar vurmalıyıq".
ABDULLA İSMAYILOĞLU
Digər xəbərlər
