İtaliya polisi “Ferrari”nin pilotu Şarl Leklerin saatının oğurlanmasıyla bağlı iş üzrə dörd adamı həbs edib. “La Gazzetta del Mezzogiorno”nun yaydığı xəbərə görə, polisin saxladığı şübhəlilərdən üçü kişi, biri qadındı.

"Football-plus.az" xəbər verir ki, bu hadisə ötən ilin aprelində Viareco şəhərində baş verib. Lekler məşqçisi Andrea Ferrari və dostları ilə şəhərdə gəzərkən azarkeşlər ona yaxınlaşaraq şəkil çəkdirməyi xahiş edib. Ünlü pilot fanatlarla təmasda olarkən naməlum şəxs onun biləyindən dəyəri 2 milyon avro olan saatı açıb. Pilot oğruları izləməyə çalışsa da, onları tuta bilməyib. Polisin saxladığı şəxslərdən ikisinə başqa bir qarət hadisədi ilə bağlı da ittiham irəli sürülüb. 2021-ci ildə onlar tapança ilə təhdid etməklə Fransa vətəndaşının 80 min avroluq saatını əlindən alıb.