Şarl Lekler: “Komanda 2-i yeri tutmasından razı deyil”
“Ferrari”nin pilotu Şarl Lekler isə komandanın ötənilki tərəqqisindən danışıb.
"Football-plus.az" xəbər verir ki, Monakodan olan pilot 2022-də 2-ci yeri tutub, komandası da Mühəndislər kubokunda yalnız “Red Bull”dan geri qalıb:
“2022 mövsümü irəliyə doğru böyük addımdı. Komanda 2-ci yeri tutmasından razı deyil. Bəli, düşünürəm ki, irəliyə doğru böyük addım atmışıq, ancaq bu da çempionatda qələbə üçün kifayət etmədi. Bu üzdən ilin sonunda özümüzə münasibətdə tənqidi yanaşdıq, bütün aspektlərdə “artırmağa” çalışdıq”.
Pilot komandanın indiki forması haqda da danışıb:
“Mənə elə gəlir ki, təcrübə artdıqca yaxşılaşırıq. Bu, mən gələndən bəri “Ferrari”nin ən yaxşı versiyasıdı? Bəli, buna əminəm. Məndə belə təəssürat yaranır ki, hər mövsümdən sonra irəli addım atırıq, harda səhv etdiyimizi anlamağa çalışırıq. Ardından səhvləri düzəltmək yolunda hərəkət edirik”.
Digər xəbərlər
