“Formula-1” üzrə dünya çempionatında hələ ki yalnız 9 mərhələ arxada qalıb.


Bununla belə, bu il də Maks Ferstappenin çempionluğa əsas namizəd olduğu aydındı. Niderlandlı pilot 175 xalla turnir cədvəlinə başçılıq edir. Serxio Peresin 129, Şarl Leklerin 126 xalı var. “Ferrari” pilotu olan sonuncu liderdən 49 xal geri qalması ilə bağlı danışıb:

Xatırladaq ki, monakolu pilot Kanada “Qran-pri”sində 19-cu mövqedən start götürsə də, finişə 5-ci çata bildi.

“Formula-1” dünyası ilə bağlı daha bir açıqlama “Mersedes”in rəhbəri Toto Volffdan gəlib. O, komandasının cari mövsümdə qələbə şansını dəyərləndirib: “Qələbə şansımız varmı? Yox, qatar artıq çoxdan gedib. Ancaq öz gücümüz ilə heç olmasa, bir mərhələni qazanmaq istəyirik. Və düşünürəm ki, 2022-də bizdə bu alınacaq”.

Xatırladaq ki, “Mersedes”in pilotları Lüis Hemilton və Corc Rassell şəxsi hesabda uyğun olaraq, 6-cı və 4-cü yeri tutur. Mühəndislər kubokuna gəlincə, “Mersedes” “Red Bull” ilə “Ferrari”dən geri qalır.

Bu arada “Sports Mole” əfsanəvi Spa-Frankorşam trassının 2023-cü ilin təqvimindən “itəcəyi” ilə bağlı xəbər yayıb. Adı çəkilən qaynaq Belçika “Qran-pri”sinin keçirildiyi trassın təqvimdən çıxarılmasının mümkünlüyünü promouterlərin hələ də “Formula-1” ilə yeni müqavilə bağlamamasıyla izah edir. Komanda bosslarının Kanada mərhələsi zamanı “Formula-1”in baş direktoru Stefano Domenikalidən gələn il təqvimin 24 yarışa qədər genişləndiriləcəyi haqda informasiya aldığı da bildirilir. Ancaq bu 24 mərhələdən 16-sı Avropadan kənarda olacaq. Qurum ABŞ və Afrika ərazisundə yeni yarış yerləri tapmaq istəyir.

Belçika “Qran-pri”si bu il avqustun 26-28-i aralığında keçiriləcək. Spada ilk yarış 1925-ci ildə baş tutub, bura 1950-ci ildə ilk dünya çempionatının təqviminə salınıb.