Avstraliya mərhələsi “Ferrari”nin pilotu Şarl Leklerin qələbəsi ilə bitdi.

O, eyni zamanda karyerasında ilk “Böyük dəbilqə”ni qazandı. Monakolu pilot həm təsnifat mərhələsini qazandı, həm dövrəni hamıdan sürətli keçdi, həm də startdan finişə qədər liderliyi qorudu. Serxio Peres finişə 2-ci, Corc Rassell isə 3-cü çatdı.

Son çempion Maks Ferstappen yürüşü bitirə bilmədi. Niderlandlı mühərrikindəki qığılcım üzündən trassdan kənarda dayandı. O, radiorabitədə komandaya yanıq qoxusu hiss etdiyini bildirdi. Maşın dayanandan sonra tüstülənməyə başladı, artıq açıq yanğın görünürdü. Sebastyan Fettel ilə Karlos Sayns da mübarizədən çəkildi. Fettel döngələrin birində nəzarəti itirərək bolidi qırdı. Sayns isə yürüşün lap əvvəlində trassdan çıxaraq qraviyə uçdu.

Reaksiyalar

Şarl Lekler: “Bu, fərqə nəzarət etdiyimiz ilk yarışdı. Əlbəttə, həftəsonu yaxşı çalışdım, ancaq yaxşı maşınsız mümkün olmazdı. Çox güclü idik. Yalnız 3-cü mərhələdi, bu üzdən çempionluq haqda düşünmək çətindi. Güclü, etibarlı maşınımız var. Ümid edirəm ki, bundan sonra da belə olacaq”.

Serxio Peres: “Startda mövqe tutmaq bir qədər çətindi. Hemilton məni ötdü və ilk döngəyə yaxşı girdi. Təhlükəsizlik maşınının traasa çıxması ilə bəxtimiz gətirmədi. Təəssüf ki, bir mövqe itirdik. Texnika dəfələrlə bizi podvodit edib”.

Corc Rassell: “Sadəcə, bəxtimiz gətirdi. Başqalarının problemlərindən qazanc çıxardıq. İrəlidə iş çoxdu. Təslim olmayacağıq. Bir neçə yürüşdən sonra daha güclü olacağımıza əminəm”.