"10 gün xəstə yatdım, qripə yoluxmuşdum. Dediyim kimi, Litva və Qazaxıstan komandalarından təklif var. Danışıqlar hələ də davam edir. Hələ ki gözləyirəm. "Kəpəz" rəhbərliyi hələlik əvəzedici komandada oynamağa razılıq verib. Xeyli vaxt idi burda məşq edirdim. Sağ olsun Xaliq müəllim, mənə start heyətində şans verməklə yanaşı, kapitan sarğısını da həvalə etdi. Həm mənim, həm də komandanın oyununun yaxşı alındığını düşünürəm. Rəqib ciddi müqavimət göstərsə də, son dəqiqələrdə qələbə topunu vura bildik. Mövsümün ikinci yarısına qələbəylə başlamaq xoşdu. Bundan sonra da nə qədər burdayam, komandaya əlimdən gələn köməyi edəcəm".

"Bildiyiniz kimi, həm çempionatın startında, həm də qış fasiləsindən sonrakı ilk oyun çox çətin olur. Qələbəyə köklənmişdik. Gərgin, ağır oyun getdi. Şükürlər olsun, yetirmələrim sona qədər döyüşdü və 3 xal qazandıq. Futbolçularımı təbrik edirəm. Çempionatın ikinci yarısına qələbəylə başlamaq xoşdu. Bizim üçün başlıca məqsəd əsas komandaya oyunçu yetişdirməkdi. Buna rəğmən, oyun planında “artırıb” maksimum irəli getməyin də əlehinə deyilik. Biz əsasən gənc futbolçuların potensialını üzə çıxarmaqda maraqlıyıq. Amma heyətdə ən azı iki təcrübəli futbolçunun olmasını da istəmişik. Elvin Yunuszadə həm milli, elita, həm də avrokubok təcrübəsi olan futbolçudu. Onun komandamızda yer alması gənclər üçün faydalıdı. Bu üzdən kapitan sarğısını daşımağını məsləhət bildik. Onun hazırlığından və intizamından razıyıq. Həm tapşırıqları yerinə yetirir, həm də hörmətimizi saxlayır. "Zirə-2" ilə matçda da özünü yaxşı tərəfdən göstərdi. Müdafiədə təcrübəli futbolçunun olması digər oyunçuların daha rahat oynamasına imkan verir. Bundan sonra da ona şans verəcəm".