Əfran İsmayılov "Kəpəz"in rəhbəri ilə danışıb - AÇIQLAMA
Rauf Əliyev, Elvin Yunuszadə və Əfran İsmayılov mövsümün sonuna kimi "Kəpəz"də qalaraq əvəzedici komandada çıxış edəcək.
"Kəpəz-2" təlim-məşq toplanışına start versə də, təcrübəlilərdən Raufla Elvin komandaya qoşulub. Əfran isə hələ də Xaliq Mərdanovun sərəncamında deyil. "Football-plus.az" saytı olaraq bu gün onunla əlaqə saxladıq:
"Hazırda həm imtahanları vermək, həm də sağalmaqla məşğulam. Üstünüzə sağlıq bir az xəstələnmişəm. Qripə yoluxmuş və soyuqlamışam. Fevralın 3-də imtahanlarım yekunlaşacaq. O vaxta kimi, inşallah, sağalacam və ayın 6-dək "Kəpəz-2"nin toplanışa qatılacam. Xaliq müəllimlə danışmışam".
Əfran məşqçilik kursuna qatılacağını da söylədi:
"Sağlıq olsun, alınsa, B kateqoriyalı məşqçilik kursuna da yazılacam. C-ni oxumuşam. İlqar Nadiri ilə danışmışam. Alınsa, həm kursda oxuyacam, həm əvəzedicilərdə məşq edib oyunlara çıxacam, həm də "Kəpəz"in uşaq komandalarının birində məşqçiliyə başlayacam".
ABDULLA İSMAYILOĞLU
Digər xəbərlər
