“Kəpəz”in futbolçusuna iki ölkədən təklif var – ÖZÜ AÇIQLADI
"Kəpəz" rəhbərliyi Elvin Yunuszadə ilə vidalşmaqda israrlıdı.
Klubun İdarə Heyətinin sədri İlqar Nadiri də son açıqlamasında futbolçuyla razılığa gəlib yolları ayıracaqlarını söyləyib.
Görəsən, milli komandanın sabiq müdafiəçisi bu haqda nə düşünür? "Football-plus.az" saytı olaraq bu sualı aydınlaşdırmaq üçün Elvinlə əlaqə saxladıq:
"Hələ ki əvəzedici komandada məşq edirəm ki, formada qalım. Rəhbərliklə növbəti danışığımız baş tutmayıb. Onlara şərtimi demişəm".
Təcrübəli futbolçu ölkə xaricindən təkliflərin olduğunu da söylədi:
"Hazırda mencerim xarici klublarla danışıq aparır. Litva və Qazaxıstanın elita təmsilçilərindən təkliflər var. Sadəcə, həmin ölkələrdə çempionat yazda başlayır deyə, danışıqlar uzanır. Razılığa gələ bilsəm, yenidən legioner həyatı yaşayacam. Alınmasa, mövsümün sonuna kimi "Kəpəz"də qalacam və əvəzedici komandada məşq edəcəm".
ABDULLA İSMAYILOĞLU
Digər xəbərlər
