Elvin Yunuszadə “Kəpəz-2”nin məşqlərinə qoşulub, amma...
Əfran İsmayılovla Rauf Əliyev karyeralarını bitirdiklərini açıqlasalar da, Elvin Yunuszadə mövsüm sonuna kimi “Kəpəz”də qalacağını və əvəzedici komandada çıxış edəcəyini açıqlayıb.
"Football-plus.az" saytı olaraq təcrübəli müdafiəçinin əvəzedicilərə qoşulub-qoşulmadığını öyrənmək üçün Xaliq Mərdanovla əlaqə saxladıq. “Kəpəz-2”nin baş məşqçisi bunları söylədi:
"Elvin artıq komandamıza qoşulub. Məşqlərdə də həvəslə çalışır, oynamağa can atır. Kollektiv də onu yaxşı qarşıladı. Futbolçular ona böyük qardaş kimi hörmət edir. Məşqçilər heyəti ilə ünsiyyəti, hörməti də yerindədi. Onun təcrübəsindən yararlanıb oyunlarda şans vermək istəyirəm. Komandada təcrübəli futbolçuların yer alması hərtərəfli yaxşıdı. Amma Elvinin "Kəpəz-2"də oynayıb-oynamayacağına rəhbərlik qərar verəcək. Razılıq olsa, biz ona şans verməkdə maraqlıyıq. Birinci dövrəni pis keçirmədik. Rauf kimi təcrübəli forvardın karyerasını bitirməsi, Əli Səmədovun "Şamaxı"ya keçidi işimizi çətinləşdirdi. Çalışacağıq onların yerini dolduraq. Rəhbərlik qarşımıza ilk "3-lüy"ə düşmək hədəfi qoymayıb. Məqsəd gənc futbolçuları yetişdirmək və onları əsas komandaya qazandırmaqdı. Buna rəğmən, adımıza, oyunumuza uyğun pillədə qərarlaşmaq istəyirik".
ABDULLA İSMAYILOĞLU
Digər xəbərlər
