19-cu turun "Kəpəz" - "Qəbələ" oyunundan sonra qonaqların baş məşqçisi Elmar Baxşıyev Gəncə stadionu ilə bağlı narazılığını bildirdi.
Mütəxəssis ot örtüyünün və paltardəyişmə otağının yararsız olduğunu qabartdı. Elə “Kəpəz”in futbolçusu Fərid Nəbiyev də jurnalistlərə açıqlamasında qazonun ağır olduğunu söylədi. Daha öncə isə "Sabah"ın baş məşqçisi Murad Musayev oxşar açıqlama ilə diqqəti çəkmişdi.
Bütün bunlarla bağlı klubun mövqeyini öyrənməyi lazım bildik. "Kəpəz"in İdarə Heyətinin sədri İlqar Nadiriini dinləyək:
"Stadionun ot örtüyü və paltatdəyişmə otaqları ilə bağlı tənqidləri qəbul edirik. Hazırda klubumuzun akademiyasının tikintisiylə məşğuluq. Lap az iş qalıb. Akademiyaz hazır olandan sonra paltardəyişmə otaqları, stadion və ot örtüyü ilə bağlı problemləri həll edəcəyik".
İlqar bəylə söhbətdə Tərlan Əhmədovun əsas komandada görmək istəmədiyi Elvin Yunuszadənin taleyinə də aydınlıq gətirdik: "Biz 4 futbolçuyla razılığa gəldik. Biıdiyiniz kimi, Əli Səmədov "Şamaxı"ya keçdi. Rauf Əliyev, Əfran İsmayılov və Mixeil Ergemlidze ilə qarşılıqlı razılıq əsasında yolları ayırdıq. Təkcə Elvin Yunuszadə qalıb. Onunla da yaxın günlərdə yenidən söhbətimiz olacaq. Biz onun komandada qalmasında maraqlı deyilik. Hansısa şəkildə razılığa gəlib Elvini yola salacağıq".
ABDULLA İSMAYILOĞLU