Tərlan Əhmədovla münaqişə yaşayan futbolçuların taleyi necə olacaq? - AÇIQLAMA
"Kəpəz"in Tərlan Əhmədovla münaqişə yaşayan təcrübəli futbolçularının taleyinə hələ də aydınlıq gəlməyib.
Əli Səmədov "Şamaxı"yla razılığa gəlsə də, Rauf Əliyev, Əfran İsmayılov və Elvin Yunuszadənin mövsümün ikinci yarısını harda keçirəcəyi bilinmir. Onların yaya kimi əvəzedici komandada çıxış edəcəkləri də istisna olunmur.
Görəsən, "Kəpəz-2"nin baş məşqçisi bu haqda nə düşünür? "Football-plus.az" saytl olaraq Xaliq Mərdanovla əlaqə saxladıq:
"Raufla Əli çempionatın ilk yarısında yaxşı çıxış edərək bizə çox fayda verdilər. Əli "Şamaxı"yla razılığa gəldi. Raufun qalması, Əfranla Elvinin də sıralarımıza qoşulması haqda isə nəsə deyə bilmərəm. Mən təcrübəli futbolçuların xidmətində maraqlıyam. Futbolçular da "Kəpəz-2"də çıxış etmək istəyirlər. Amma onlar əvvəlcə gərək rəhbərliklə məsələni həll etsinlər".
Təcrübəli mütəxəssis təlim-məşq toplanışı barədə də danışdı:
"Ayın 5-dən Gəncədə toplanışa start vermişik. Xeyli sayda gənc futbolçuları sınayırıq. 4 yoxlama matçı keçirəcəyik. Rəqiblərimiz də məlumdu. Bunlar "Turan Tovuz-2", "Mingəçevir", "Zaqatala" və klubumuzun U-19 kollektivi olacaq".
ABDULLA İSMAYILOĞLU
Digər xəbərlər
