"Azərbaycan pasportu futbol dünyasında o qədər də cəlbedici deyil. Menecerlər, seleksiyaçılar daim həmin ölkənin millisinin FİFA və ölkə çempionatının reytinqinə nəzər yetirir. Bizim də nə millimiz, nə də premyer-liqamız üst sıralardadı. Belə olan halda da futbolçularımza maraq olmur. Bundan başqa, futbolçularımızın çoxu xaricə getməyə can atmır. Yəni mentallıq burda da öz sözünü deyir. Məsələn, vaxtilə Qara Qarayevə xaricdən yaxşı təklif gəlmişdi. Amma o, "Qarabağ"da qalmağı üstün tutdu. Tək Qara yox, Ağdam təmsilçisinin futbolçularından Musa Qurbanlı və Elvin Cəfərquliyevə görə də mənə dəfələrlə müraciətlər gəlib. Sadəcə, futbolçular klublarında qalmağı üstün tutublar. Belə baxanda onları qınamaq da olmur. "Qarabağ" kimi güclü komandada daim oynamaqla həm yaxşı forma yığırlar, həm də yüksək məvacib alırlar. Mən də "köhlən atlar"ın yerli futbolçularının "Qarabağ"dan zəif komandalara keçməsinin tərəfdarı deyiləm. Bizə ən yaxşı halda Baltikyanı ölkələrin təmsilçiləri maraq göstərir, onların çempionatı isə o qədər də güclü deyil. Həmçinin xarici klublara keçid də çətindi. Bir sözlə, əsas səbəbi pasportumuzda və mentallığımzda görürəm".