Bu gün premyer-liqanın 16-cı turundan təxirə salınan oyun keçiriləcək.

”Qarabağ” “Sumqayıt”ı qonaq edəcəyi oyun “CBC Sport” telekanalı vasitəsiylə canlı yayınlanacaq.

Azərbaycan premyer-liqası
2-ci dövrə, 16-cı tur
12 may
64. Qarabağ – Sumqayıt 5:0
Filip Ozobiç, 4. Patrik Andrade, 11. Kadi Borges, 30. İbrahima Vaci, 31. Kadi Borges, 51.
“Qarabağ”ın bu rəqiblə ev oyunlarının balansı: 18:+16-1=1, 44-7.
2011/12 – 1:2; 2012/13 – 3:0; 2013/14 – 5:1; 2014/15 – 2:0, 1:0; 2015/16 – 2:2, 1:0; 2016/17 – 3:0, 2:1; 2017/18 – 4:1, 2:0; 2018/19 – 1:0, 2:0; 2019/20 – 2:0, 1:0; 2020/21 – 6:1, 4:1; 2021/22 – 2:0.

Cəzalı: yoxdu.
“Futbol+”in proqnozu: 50-30-20.
Hakimlər: RAUF ALLAHVERDİYEV, Müslüm Əliyev, Cəmil Quliyev, Elçin Məsiyev.
Hakim-inspektor: Feyzulla Feyzullayev.
AFFA nümayəndəsi: Elman Musayev.
Bakı. “Azərsun Arena”. Saat 19.00

Bu qarşılaşma “Sumqayıt” üçün daha böyük əhəmiyyət daşıyır. “Kimyaçılar” qələbə qazanacağı təqdirdə turnir cədvəlində “Şamaxı”ya çatacaq. Amma bu çox çətin missiyadı. Çünki “Sumqayıt” son üç matçda ağdamlılara qol vurmadan uduzub. İki tur əvvəl çempionluğu təmin edən “köhlən atlar” isə böyük ehtimalla meydana əsas heyətlə çıxmayacaq. “Qarabağ”ın heyətində Rüstəm Əhmədzadə zədəlidi. Ağdamlıların heyətində başqa itki yoxdu. Sözsüz, oyunun favoriti “Qarabağ”dı. Qurban Qurbanovun komandası qələbəyə daha yaxın tərəf kimi görünür.
Rəqiblər Azərbaycan çempionatlarında 38 dəfə üz-üzə gəlib. Bu qarşılaşmaların 28-də “Qarabağ”, 5-də “Sumqayıt” qələbə qazanıbsa, 5-də qalib müəyyənləşməyib. Topların nisbətində də Ağdam təmsilçisi öndədi – 86:18. Bu duellərdə ən çox fərqlənən futbolçu Reynaldodu. “Qarabağ”ın sabiq braziliyalı forvardı “kimyaçılar”ı 9 dəfə məyus edib.