"Kadinin "Qarabağ"ı tərk edərək "Krasnodar"a keçəyi ilə bağlı məsələnin nə dərəcədə ciddi olduğunu bilmirik. Hələ ki mediada təsdiqini tapmayan xəbərlər tirajlanır. Amma menecer kimi düşüncəm budu ki, burda qeyri-adı bir şey yoxdu. Futbolçu bu gün burdadı, sabah başqa yerdə. Kadi "Qarabağ"ın aparıcı və faydalı futbolçusudu. Ona görə klub azarkeşlərinin narahatlığını başa düşürəm. Amma futbol komandası yalnız azarkeşləri məmnun edən birlik yox, həm də biznes, qazanc yeridi. Hazırda klublar futbolçuların satışından da yaxşı qazanc götürürlər. Kadi üzdə olan futbolçu deyildi, Portuqaliyanın aşağı liqa klublarında çıxış edirdi. Braziliyalı bura gələndən sonra parladı və hazırda 5 milyon avro dəyərə malikdi. Futbolçu ömrü qısadı. Bu üzdən hər biri karyerası ərzində yaxşı gəlir əldə edib, gələcək həyatında rahat yaşamaq istəyir. Odu ki, hər futbolçu cəlbedici təklifləri maksimum dəyərləndirmək istəyər. Bəziləri düşünür ki, hazırda Rusiyada çıxış etmək karyera baxımından yüksəliş deyil. Çünki Rusiya klublarının avrokuboklarda çıxışına qadağa qoyulub. Ona görə Kadinin "Qarabağ"da qalması daha yaxşı olardı. Çünki "köhlən atlar" hər il, elə hazırda da avrokubokda çıxışını davam etdirir. Mən bu baxışla razı deyiləm. Əvvəla, futbolçu yalnız avrokuboklardakı çıxışına görə tanınmır. Odu ki, "Krasnodar" avrokubokda iştirak etmir deyə, Kadi və ya hansısa futbolçu o kluba keçməməlidi” kimi yanaşma doğru deyil. İkincisi, Rusiya çempionatı bizim premyer-liqadan daha səviyyəlidi. Ordan Avropa klublarına da keçmək asandı. Heç də hər futolçunun həyatında həmişə cəlbedici təklif olmur. Yəni heç kim deyə bilməz ki, gələcəkdə də Kadiyə belə təkliflər olacaq. Odu ki, həqiqətən də məsələ ciddidisə, Kadi gedəcək və "Qarabağ" da buna mane olmayacaq. Bundan başqa, onun Rusiya təmsilçisinə və ya başqa bir xarici kluba keçməsiylə "Qarabağ" itirməkdən çox qazanır. Bu baş versə, futbolumuzda ilk olacaq. Nəticədə Ağdam təmsilçisinin həm büdcəsi, həm də nüfuzu artacaq ki, bundan Azərbaycan çempionatı da qazanacaq. İstənilən səviyyəsi aşağı olan liqadan güclü futbolçu yüksək ödənişlə daha adlı-sanlı kluba transfer olunursa, bunun özü elə reklamdı".