“Qarabağ” transfer baxımından hazırda ölkənin ən fəal klubudu.

Lakin situasiya fərqlidi. Ağdam təmsilçisinin futbolçularına maraq olduqca böyükdü. Kadinin “Krasnodar”a keçidi rəsmiləşdi, Ovusu yayda “Ferentsvaroş”la müqavilə bağlayacaq. Bəs növbədə kimdi? Ağdam təmsilçisinin digər üzvlərinə maraq var?

Məsələ ilə bağlı “Football-plus.az”a yeni məlumat daxil olub. “Köhlən atlar” daha futbolçu satmaq niyyətində deyil. Ümumiyyətlə, “Qarabağ” heç vaxt bu niyyətdə olmayıb. Lakin yaxşı şans düşdüyünə görə ağdamlılar oyunçularının satılmasına məcbur olub. İbrahima Vaci və Kadi Borgesin keçidi buna nümunədi.

“Köhlən atlar”ın rəhbərliyi hazırda futbolçu axtarışındadı. Qurban Qurbanov əsasən sağ cinah yarımmüdafiəçisinin transferini istəyir. Lakin Kadinin gedişindən sonra orta xəttin mərkəzində də boşluq yaranıb. Bu səbəbdən də ağdamlılar bura da oyunçu axtarırır. Son olaraq, “köhlən atlar”ın əsas niyyəti yeni hücumçunun komandaya cəlb edilməsidi. Vacinin gedişi və Ovusunun yayda “Qarabağ”ı tərk etmək ehtimalının böyük olması yeni futbolçunun kollektivə qoşulmasını şərtləndirir.

Lakin Qurban Qurbanov həmişə yaxşı futbolçunun transfer olunmasının tərəfdarıdı. İstənilən halda, digər mövqelər üçün potensial namizədlər olsa, komandaya cəlb ediləcək. Yəni qışda “Qarabağ” qapıçı və müdafiəçi keçidini rəsmiləşdirsə, təəccüblənməyə dəyməz.

İLKİN SULTANLI