Samir Abasov bu dəfə onu komandadan qovdu - ÖZƏL
“Sumqayıt”da böhran davam edir. Premyer-liqada qələbə üzünə həsrət qalan “kimyaçılar” ötən həftə ölkə kubokunda da mübarizəni dayandırdılar. Çempionatın gedişində, daha dəqiq desək, 8-ci turdan “sükanı arxasına” keçən Samir Abasov hər vəclə çalışır ki, komandanı “qara zolaq”dan çıxarsın.
Ancaq görünən odu ki, bu hələ mümkün deyil. Uğursuzlu davam etdikcə 44 yaşlı mütəxəssis futbolçuları “yuxudan oyatmaq”, kollektivi silkələmək üçün artıq bəzi oyunçuları düşərgədən uzaqlaşdırmağa qərar verib.
Bir neçə gün öncə Araz Abdullayevin “Sumqayıt”dan yola salındığını xəbər vermişdik. Mövsümlərarası fasilədə heyətə cəlb olunan toqolu Oure—Nil Ture isə ondan əvvəl baş məşqçinin qəzəbinə tuş gəlmişdi. “Kəpəz”lə kubok qarşılaşmasından sonra isə daha bir legionerin “qələmə qırılıb”. “Kimyaçılar”ın çalışdırıcısı bu dəfə Damian Daniçiçi əsas heyətdən kənarlaşdıraraq əvəzedici heyətə göndərib. Kluba yaxın mənbədən “Footbal-plus.az” saytına daxil olan məlumata görə, yaxın günlərdə 22 yaşlı xorvat müdafiəçi ilə müqaviləyə xitam veriləcək.
RƏŞAD
Digər xəbərlər
