“Çox maraqlı qarşılaşmalar olacaq. Dünya çempionatı futbol bayramıdı. İlk matç Qətər – Ekvador görüşü olacaq. Ümumilikdə hər iki komanda bizə o qədər də tanış deyil. Çünki onları çox az-az izləmək şansımız olub. Qətərin yadımızda qalan hansısa bir oyununu xatırlamıram. Ona görə də nəticə haqda danışmaq çətindi. Eşitdiyimə görə, meydan sahiblərinin məşqçilər korpusunda ispaniyalı mütəxəssislər var. Ekvador da dünya çempionatlarının daimi iştirakçısıdı, daha təcrübəlidi. Gərgin və maraqlı oyun olacağını düşünürəm. Əlbəttə, ilk matçlar stresli keçir. Bu üzdən oyun sönük də alına bilər. Favorit olaraq Qətəri görürəm”.