"Məşqçi olmamışdan əvvəl gərək insan olasan" - AÇIQLAMA
Tərlan Əhmədovun "Kəpəz"ə gələndən sonra Rauf Əliyevi komandadan kənarlaşdırması, forvardın isə baş məşqçi barədə mətbuatda aşağılayıcı ifadələrə yol verməsi futbol camiəsində birmənalı qarşılanmayıb.
Görəsən, başqa klubda eyni hal baş versəydi, məsələ necə həllini tapardı? Futbolçu dərhal komandadan qovulardı? "Football-plus.az" saytı olaraq bu suala aydınlıq gətirmək üçün hazırda baş məşqçilik edən mütəxəssislərdən birinin fikirini öyrəndik.
Ruhid Usubov (İmişli): "Hər ikisi yaxınımızdı. Biri məşqçi, digəri futbolçu kimi həmkarım olub. Ölkə futbolunda xidmətləri var. Onlar arasında qarşıdurmanın olması xoş deyil. Biz də klubun daxilində deyilik, münaqişənin əsl səbəbini bilmirik. Amma bir məsələni dəqiq bilirəm ki, bir məşqlə belə münaqişə ola bilməz. Məncə, bu problemin kökünü üzə çıxarmaq lazımdı. Bunu Tərlan müəllimi aşağılamaq üçün demirəm. Amma məşqçi olmamışdan əvvəl gərək insan olasan. Hər futbolçu bir xarakterdə olur, hərənin fərqli problemi var. Ona görə də sərəncamında olan oyunçulara maksimum anlayışla yanaşıb, qayğı göstərmək lazımdı. Amma bu o demək deyil ki, intizamsızlığa göz yumasan. Futbolçu məşqçiyə aşkar hörmətsizlik edirsə, intizamı pozursa və islah olmursa, komandadan uzaqlaşdırılmalıdı. İstənilən halda mediadan oxuduğumuza əsaslansaq, Tərlan Əhmədov ilə Rauf Əliyev arasında məsələ bu həddə çatmamalıydı".
ABDULLA İSMAYILOĞLU
Digər xəbərlər
