Bir neçə gün əvvəl Qrem Potterin “Çelsi”yə yollanmasına mane olmayan “Brayton” rəhbərliyi seçim qarşısında qalmışdı.

Football-plus.az xəbər verir ki, İngiltərə klubu baş məşqçi vəzifəsinə iki əsas namizəddən birinə üstünlük verməli idi.

Artıq seçim edilib və bu yay “Şaxtyor”dan ayrılan Roberto De Zerbi komandaya təyinat alıb. “Brayton” rəhbərliyinin 43 yaşlı italyan mütəxəssis ilə razılaşdırdığı müqavilənin detalları hələ ki açıqlanmayıb.

Qeyd edək ki, İngiltərə klubu De Zerbidən başqa “Bude/Qlimt”in 53 yaşlı baş məşqçisi Kyetil Knutsenin də namizədliyini götür-qoy edirdi.