“Qarabağ”la “Viktoriya”nın fərqi - AÇIQLAMA
"Qarabağ" "Ferentsvaroş"u mübarizədən kənarlaşdırmaqla Çempionlar Liqasının pley-offunda "Viktoriya"ya rəqib oldu.
Ağdam təmsilçisi avqustun 17-də evdə, 23-də səfərdə oynayacaq. Görəsən, Çexiya təmsilçisinin hazırkı heyəti, gücü, sərgilədiyi oyun "köhlən atlar"ın əsas istəyini həyata keçirməsinə mane ola bilər?
"Football-plus.az" saytı olaraq bu suala aydınlıq gətirmək üçün tanınmış menecer Vaqif Heydərlinin fikrini öyrəndik:"Viktoriya" əvvəllər daha yaxşı nəticələr göstərirdi. Hazırda müəyyən qədər zəifləsə də, Avropada möhkəm, ciddi komanda kimi qəbul olunur. Çexiya futboluna xas, əsasən gücə, fiziki hazırlığa və atletik futbola üstünlük verir. Ümumiyyətlə, ÇL-də, həmçinin pley-offda zəif rəqib olmur. Ona görə də Plzen təmsilçisiylə matç çox gərgin keçəcək. Hazırkı "Qarabağ" da artıq Avropada ciddi rəqib sayılır. Ağdam təmsilçisi tarixinin ən güclü dövrünü yaşayır. Avropa klublarına başağrı olur. Çexiya təmsilçisindən fərqli "köhlən atlar" texnikalı, kombinasiyalı oyuna üstünlük verir. Nə qədər "Qarabağ"ın qələbəsinə, zəfərinə inansaq da, pley-offda komandanı çox ciddi rəqib gözləyir. İki maraqlı, gərgin, mübarizəli oyunun şahidi olacağıq. İnanıram ki, sonda zəfər "Qarabağ"la olacaq".
ABDULLA İSMAYILOĞLU
Digər xəbərlər
