Erkin İbrahimov “Qarabağ”ın rəqibini incələdi – AÇIQLAMA
"Qarabağ" "Ferentsvaroş"u mübarizədən kənarlaşdırmaqla Çempionlar Liqasının pley-offunda "Viktoriya"ya rəqib oldu.
Ağdam təmsilçisi avqustun 17-də evdə, 23-də səfərdə oynayacaq. Görəsən, Çexiya təmsilçisinin hazırkı heyəti, gücü, sərgilədiyi oyun "köhlən atlar"ın əsas istəyini həyata keçirməsinə mane ola bilər?
"Football-plus.az" saytı olaraq bu suala aydınlıq gətirmək üçün tanınmış menecer Erkin İbrahimovun fikrini öyrəndik:"Viktoriya"nı "Lex" və "Sürix" qədər dərindən təhlil etməmişəm. Amma ötən mövsüm "Slaviya" və "Sparta"nı qabaqlayaraq çempion olubsa, deməli, ciddi rəqibdi. "Viktoriya” əsasən təcrübəli futbolçulardan formalaşıb. Heyətindəki legionerlərin əksəriyyəti Çexiya çempionatındakı başqa klublarda oynadıqdan sonra Plzen təmsilçisinə keçib. "Viktoriya" gənc komandada deyil, yetərincə avrokubok təcrübəsinə malikdi. Amma düşünürəm ki, "Qarabağ" Çexiya təmsilçisini üstələyib, qrupa vəsiqəni təmin edəcək".
ABDULLA İSMAYILOĞLU
Digər xəbərlər
