Çexiyanın "Viktoriya" (Çexiya) klubunun baş məşqçisi Mixal Bilek Çempionlar Liqasının pley-off mərhələsində Azərbaycan çempionu “Qarabağ”a rəqib olmalarından danışıb.

"Football-plus.az" xəbər verir ki, o, III təsnifat mərhələsində “Şerif” (Moldova) üzərində qazanılan qələbədən (2:1) sonra baş tutan mətbuat konfransında bunları deyib:

"Daha çox "Ferentsvaroş"la oynamaq istəyirdim. "Qarabağ" haqda o qədər də məlumatım yoxdu. Macarıstanda əla nəticə qazandılar. Bu, "Qarabağ"ın yüksək keyfiyyətindən xəbər verir. Bizi asan heç nə gözləmir.

Yəqin ki, Bakıda hava çox isti olacaq. Böyük bir uğur əldə etmək üçün iki oyunumuz qalıb. Bunun üçün mübarizə apracağıq. Məqsədimiz qrup mərhələsinə düşməkdi".

“Qarabağ”la “Viktoriya” arasında ilk oyun avqustun 17-də Bakıda, cavab görüşü isə ayın 23-də Plzendə keçiriləcək.