Bu yay heyətini növbəti dəfə yeniləyən və 10-dan çox futbolçu transfer edən ''Fənərbaxça'' indi də özünə lazım olmayan oyunçularla vidalaşmağa hazırlaşır.

"Football-plus.az" xəbər verir ki, Jorje Jezuşun planlarına daxil olmayan Alli Samatta növbəti dəfə icarəyə göndərilmək üzrədi. Böyük ehtimalla tanzaniyalı forvard yeni mövsümü Belçikada keçirəcək. ''Genk'' onu birillik icarəyə götürməyə razılıq verib. Amma forvardın məvacibi yenə də istanbullular üçün problem yaratmaqda davam edəcək. Samattanın illik maaşı 2,75 milyon avrodu və ''Genk'' yalnız bu məbləğin 1,3 milyon avrosunu öhdəliyinə götürüb.

Belə çıxır ki, ''Fənər'' yeni mövsümdə başqa klubda oynayan futbolçuya 1,45 milyon avro maaş ödəmək məcburiyyətində qalacaq! Xatırladaq ki, 2020-də ''Aston Villa''dan 6 milyon avroya transfer edilən Samatta ötən mövsümü icarə əsasında Belçikanın digər klubu ''Antverpen''də keçirmişdi.