Tərlan Quliyev: “Boş söhbətdi” - AÇIQLAMA
“Bu xəbəri saytların birindən oxudum. Dərhal rəhbərliyə zəng edib, danışdım. Soruşdum ki, nə məsələdi? Nə baş verib? Öyrəndim ki, boş söhbətdi. Elə bir şey yoxdu. Nə qovulmuşuq, nə də uzaqlaşdırılmışıq. Xəbəri yazan heç ad-soyadını da qeyd etməyib ki, görüm bu məlumatı hardan əldə edib? Sənə kim, nə məlumat verib? Olmayan xəbəri niyə yazırsan axı?”
Bu sözləri “Football-plus.az” saytına açıqlamasında Tərlan Quliyev dedi. “Şamaxı”nın müdafiəçisi komandadan göndərildiyi ilə bağlı yayılan xəbərlərə münasibət bildirdi. Quliyev 1-ci divizionda “Şamaxı-2”nin heyətində meydana çıxmalarına da aydınlıq gətirdi:
“Neçə oyundu ki, premyer-liqada uduzuruq. Bu səbəbdən də komanda daxilində ab-hava yaxşı deyil. Amma qovulmaq, göndərilmək məsələsi yoxdu. Əvəzedicilərdə kömək məqsədi ilə oynamışıq. Əsas komandadan bir neçə nəfər var idi heyətdə: Pərviz Azadov, Şəhriyar Əliyev, Tural Axundov və mən. Çünki əvəzedicilər divizionda ikinci pillədə qərarlaşıb. İstəyirik ki, bu komanda medalçılar sırasında olsun”.
İLKİN SULTANLI
