"Böyük ehtimalla növbəti mövsümdən “Turan Tovuz”da oynayacam" - AÇIQLAMALAR
Mövsümü 7-ci pillədə başa vuran “Şamaxı” heyətinin 60 faizi ilə yolları ayırdı.
Komandanı tərk edənlər sırasında qapıçı Kamal Bayramov, hücumçu Amil Yunanov və yarımmüdafiəçi Tural Axundov da var. Maraqlıdı, “Şamaxı”dan ayrılan futbolçular karyerasına hansı klubda davam edəcək? Bu suala cavab tapmaq üçün onlarla əlaqə saxladıq.
Kamal Bayramov:
“Şamaxı”da heç bir problem yox idi. Rəhbərlik də, baş məşqçi də qalmağımı istəyirdi. Təklif də etdilər. Amma bəzi məsələlər var idi ki, ona görə “Şamaxı”dan ayrılmalı oldum. Sadəcə, başqa yerdən daha yaxşı təklif gəldi. “Şamaxı”dan da gözəl şəkildə, klub rəhbərliyi, baş məşqçi ilə halallaşıb ayrıldım. Hər birinə təşəkkür edirəm. Başqa klublardan da təkliflər var. Bu klublardan biri də “Turan Tovuz”du. Təkliflərdən birinin üzərində dayanmışam. İyunun 1-2-də rəsmiləşəcəyini gözləyirəm. Ondan sonra bu haqda ətraflı açıqlama verəcəm”.
Amil Yunanov:
“Şamaxı”dan ayrılmağımın ciddi səbəbi yox idi. Sadəcə, müqaviləmin müddəti bitdi. Müddəti uzatmaq da təklif olunmadı, özüm də istəmədim. Ona görə komandadan ayrıldım. Hazırda bir-iki təklif var. Bunlardan biri də “Turan Tovuz”du. Ən real görünəni də, təbii ki, bu komandadı. Ayxan müəllimlə də görüşmüşük. Düzdü, hamısı doğmadı. Amma rayon olaraq ən doğması Tovuzdu. Mənə də çox xoş olardı ki, “Turan Tovuz”da oynayım. Komandanın yenidən premyer-liqaya qayıtması çox gözəl hissdi. Mən də can-başla dogma komandaya kömək etməyə hazıram. Hələ ki rəsmi müqavilə yoxdu. İnşallah, bir problem olmasa, böyük ehtimalla növbəti mövsümdən “Turan Tovuz”da oynayacam. Belə düşünürəm ki, orda həm də daha həvəsli, istəkli olacam”.
Tural Axundov: “Şamaxı” ilə müqaviləmin müddəti bitdi. Uzatmaq təklif olunmadı, mən də ayrıldım. Bir neçə komandadan təklif var. Hazırda danışıqlar gedir. Yaxın günlərdə hansı komandaya gedəcəyim dəqiq bilinəcək”.
ŞAİR ABDULLA
Digər xəbərlər
