“Atalanta” baş məşqçi İvan Yuriç ilə yolları ayırıb.

"Football-plus.az" xəbər verir ki, 50 yaşlı xorvat mütəxəssis baş məşqçisi vəzifəsindən uğursuz nəticələrə görə azad edilib. Yuriç iyun ayında “Atalanta”nın baş məşqçisi təyin olunmuşdu.

Komanda onun rəhbərliyi altında 15 oyun keçirib, bu oyunlardan 4-ü qələbə, 8-i heç-heçə və 3-ü məğlubiyyətlə nəticələnib. Komanda ardıcıl 8 oyundu qələbə qazana bilmir.

Artıq “Atalanta”nın yeni baş məşqçisi müəyyənləşib. Berqamo klubu Raffaele Palladino ilə anlaşıb. İnsayder Fabritsio Romanonun məlumatına görə, 41 yaşlı mütəxəssislə müddəti 2027-ci ilin yayına kimi nəzərdə tutulan müqavilə imzalanıb.

Palladinonun sonuncu iş yeri “Fiorentina” olub. O, bu komandadan may ayında istefaya göndərilib.