“Kəpəz”in problemləriylə tanışam. İlqar bəylə daim əlaqədəyik. Durumu ümumi dəyərləndirsək, klub üçün sponsor axtarışı davam edir. Bir yox, bir neçə yerlə danışıq aparırıq. Bəli, bu siyahıda “F-holdinq” də var. Lakin həmişə təkrarladığım sözü yenidən xatırlatmaq istəyirəm: imzalar atılmadan nəsə demək doğru olmaz! İlqar bəylə ümumi durum haqda razılığa gəlmişik. “Kəpəz” növbəti mövsüm üçün planlarını indiki büdcəyə uyğun quracaq. Yəni danışıqlar davam edir deyə, hansısa gözləntiyə qapılmaq, nəyəsə ümid etmək doğru deyil. Hər an hər şey baş verə bilər. Təbii ki, xoş xəbər vermək istəyirik. Yenə də ən pis ehtimalları belə dəyərləndirmək vacibdi. Əlbəttə, qarşıdakı müddət ərzində sponsor tapılsa, klubun planları dəyişə bilər. Lakin indi yenilik yoxdu və “Kəpəz” indiki duruma əsasən addım atmalıdı”.