Braziliya yığması dünya çempionatı ərəfəsində daha bir itki ilə üzləşib. Eder Militao da nəhəng turnirdə iştirak edə bilməyəcək.

"Football-plus.az" xəbər verir ki, bu haqda tanınmış insayder Fabritso Romano məlumat yayıb.

“Real”ın 28 yaşlı mərkəz müdafiəçisi ciddi zədədən sonra Finlandiyada müayinə olunub. Mütəxəssislər tərəfindən aparılan əlavə müayinə onun sol bud zədəsinin ciddi olduğunu təsdiqləyib. Eder tezliklə əməliyyat olunacaq. Onun yaşıl meydana oktyabra qədər qayıdacağı gözlənilmir. Militao bu mövsüm “Real”ın formasında bütün turnirlərdə 21 oyun keçirib, 2 qol vurub və 1 məhsuldar ötürmə verib.

Xatırladaq ki, Braziliya yığmasının İspaniya klubunda çıxış edən daha bir hücumçusu Rodriqo Qoes də zədə səbəbindən mundialı buraxacaq.