Xulen Lopetegi iş yerini yayda dəyişməyi düşünür.

"Football-plus.az" xəbər verir ki, “Vest Hem”in və “Vulverhempton”un sabiq baş məşqçisi yenidən premyer-liqada işləməyi planlaşdırır. Hazırda Qətər yığmasını çalışdıran və komandanı DÇ-2026-nın final mərhələsinə çıxaran ispanyalı mütəxəssis klub futboluna qayıtmağa hazır olduğunu bildirib.

Təcrübəli məşqçi premyer-liqanı dünyanın ən yaxşı turniri adlandıraraq xüsusilə azarkeşlərin yaratdığı mühiti yüksək qiymətləndirib. Lopeteginin sözlərinə görə, hazırkı əsas hədəfi Qətər yığması ilə dünya çempionatında uğur qazanmaq olsa da, gələcəkdə İngiltərəyə qayıtmaq onun üçün böyük məqsəd olaraq qalır.

Xatırladaq ki, mütəxəssis 2022/23 və 2024/25 mövsümlərində uyğun olaraq “Vulverhempton”u və “Vest Hem”i çalışdırıb.