Xulen Lopeteginin işsiz günlərinin qısa çəkə biləcəyi ilə bağlı xəbərlər yayılmışdı.

Football-plus.az xəbər verir ki, bir neçə gün əvvəl “Sevilya”dan qovulan ispaniyalı mütəxəsisin karyerasını İngiltərədə davam etdirmək şansı yüksək dəyərləndirilirdi.

Premyer-liqada çıxış edən “Vulverhempton”la danışıq aparan Lopeteginin bu klubun qeyri-qənaətbəxş nəticələrə görə istefaya göndərilən sabiq çalışdırıcısı Bruno Lajenin yerini tutacağı iddia edilirdi. Lakin o, danışıqları dayandırmalı olub. Tanınmış jurnalist Gilyem Balaqenin verdiyi məlumata görə, Lopeteginin atasının səhhəti pisləşib. Məşqçi məhz bu səbəbdən ingilislərlə təmasları dayandırıb.