Bir neçə gün əvvəl Xulen Lopetegi ilə bağlı yayılan xəbər doğru çıxıb: onun “Vest Hem”ə təyinatı rəsmən açıqlanıb.

“Football-plus.az” xəbər verir ki, bu məlumatı İngiltərə klubunun saytı yayıb. İspaniyalı mütəxəssis rəhbərlikdən yeni təklif almayan David Moyesi əvəzləyib. Yeni iş yerində fəaliyyətə rəsmən iyulun 1-dən start verəcək Lopetegi peşəkar karyerasına “Rayo Valyekano”da başlayıb. Sonra “Kastilya”, İspaniyanın yeniyetmə və gənclərdən ibarət komandaları, “Portu”, İspaniyanın əsas yığması, “Real”, “Sevilya” və “Vulverhempton”da baş məşqçi olub.

57 yaşlı mütəxəssis ilə London klubu arasında razılaşdırılan müqvilənin detalları haqda hələ ki məlumat verilməyib.