UEFA “Ayntraxt”la Çempionlar Liqası matçında yaşananlara görə “Qarabağ”a intizam cəzası verib.

"Football-plus.az"ın məlumatına görə, 3:2 hesablı qələbədən sonra komanda turnirin pley-offuna yüksəlib, lakin İntizam Komitəsi klubu idman tədbiri üçün uyğun olmayan mesaj ötürdüyünə, futbolun və UEFA-nın nüfuzuna xələl gətirdiyinə görə 17500 avro cərimələyib.

“Qarabağ” həmçinin bilet nəzarəti qaydalarını pozmaqda ittiham olunub. Klub bu qayda pozuntusuna görə xəbərdarlıq alıb, lakin heç bir maliyyə cəriməsi tətbiq edilməyib.