“Neftçi”dən bu dəfə daha yaxşı addım gözləyirdik. Əminəm ki, “Qarabağ” rəhbərliyi belə addım atmazdı. “Neftçi” həmişə çox cılız addımlar atır. 2019-cu ildə - çempionatın sonunda “Neftçi” ilə vacib oyunumuz var idi. Oyunun başlamasına bir neçə saat qalmış “Neftçi” biletin qiymətini 50 manata qaldırdı. O vaxt sağ olsunlar, Rəşad Sadıqov başda olmaqla futbolçular pul yığıb 500-600 bilet almışdı ki, hamı stadiona keçsin. Həmin oyunda qalib gəlmişdik. Növbəti oyun bizim meydanda idi. Uşaqlar təklif etmişdi ki, biletləri 100 manat edək. Amma “Qarabağ” rəhbərliyi dedi ki, yox, özümüzə yaraşan hərəkət edəcəyik. “Nyukal”la oyunda heç-heçə olsa, qələbə olsa, bu birbaşa “Neftçi” rəhbərliyinin xeyrinədi. Amma “Neftçi”nin belə düşüncəli adamlarla nə vaxtsa çempion olacağına inanmıram. Təbii ki, bu “Neftçi”nin seçimidi. Oyunun təxirə salınmasına icazə verə də bilər, verməyə də. Amma hər şey standartlar üzərində qurulmayıb ki. Nəinki “Neftçi”, istəyirəm ki, “Xəzər Lənkəran” qayıtsın, güclü rəqabət olsun. Bu futbolumuzun xeyrinədi. “Neftçi”, “Karvan” kimi komandalar güclü olsaydı, çempionata maraq artardı. “Qarabağ” çempionluğu əvvəldən yox, son tura qədər mübarizə apararaq qazanardı. “Neftçi”nin güclü olmasını istəyirəm. Uğur pul xərcləməklə yox, düşüncə tərzi ilə qazanılır. Bu düşüncə ilə “Neftçi”... Cılız düşünürlər”.