“Ancaq sırf "Forza Neftçi" tərəfindən təbrik edilmədik” – “İmarət”
“Qarabağ”ın ən böyük azarkeş qrupu olan “İmarət Tayfa” ötən həftə 15 yaşını qeyd edib.
Maraqlıdı, Ağdam klubunun əzəli rəqibi olan "Neftçi"nin azarkeşləri – “Forza Neftçi” həmkarlarını təbrik edibmi?
"Football-plus.az" bu sualı "İmarət Tayfa"nın idarə heyətinin üzvlərindən Elnur Quliyevə ünvanlayıb:
“Digər üzvləri deyə bilmərəm, ancaq şəxsən mənə təbrik mesajı gəlməyib. Heç kimdən nəsə gözləmirdim, bizi yada salanlar sağ olsun. İstər deputat, istər jurnalist – sayılıb-seçilən çox adam bizi təbrik etdi. Ancaq sırf "Forza Neftçi" tərəfindən təbrik edilmədik. Yenə də qrupu yada salan hər kəsə təşəkkür edirəm".
Görünən odu ki, "Neftçi" azarkeşləri “İmarət”in 15 illiyini qeyd edilməyə layiq gün saymayıblar.
AYGÜN MİRZA
Digər xəbərlər
