“Mançester Yunayted”in yeni baş məşqçisi müəyyənləşib.

"Football-plus.az" xəbər verir ki, bu vəzifəyə Maykl Karrikin təyinatı rəsmən açıqlanıb. İngiltərə klubunun mətbuat xidmətinin məlumatına görə, 44 yaşlı mütəxəssislə müddəti cari mövsümün sonuna qədər nəzərdə tutulan müqavilə imzalanıb. Karrik baş məşqçi vəzifəsində yanvarın 5-də istefaya göndərilən Ruben Amorimi əvəzləyib.

O, 2006-18-ci illərdə komandada oynayıb. Bu müddət ərzində bütün turnirlərdə 464 oyuna çıxıb, 24 qol vurub və 35 məhsuldar ötürmə edib. Karrik MY-yə təyin olunmazdan əvvəl “Midlsbro”nu çalışdırıb.

Yeri gəlmişkən, MY İngiltərə çempionatının 21-ci turundan sonra 32 xalla 7-ci yeri tutur.