Gözlənilən təyinat rəsmiləşdi

Ruud van Nistelroyun “Lester”in baş məşqçi vəzifəsinə təyinatı rəsmiləşib.

İngiltərə klubunun mətbuat xidmətinin məlumatına görə, niderlandlı mütəxəssis ilə 2,5 illik müqavilə imzalanıb. Van Nistelroy bu vəzifədə bir neçə gün əvvəl istefaya göndərilən Stiv Kuperi əvəzləyib. Kuper uğursuz nəticələrə görə işini itirmişdi. “Lester” ölkə çempionatında 12 turdan sonra 10 xalla 16-cı yeri tutur.

Qeyd edək ki, Van Nistelroy bundan əvvəl müvəqqəti olaraq “Mançester Yunayted”i çalışdırıb. Maraqlıdı ki, onun komandası Liqa Kuboku (5:2) və premyer-liqada (3:0) 2 dəfə “Lester”i məğlub edib.