Ruud van Nistelroy ilə bağlı ortaya çıxan ehtimal doğrulib: onun “Lester”in baş məşqçi vəzifəsinə gözlənilən təyinatı rəsmiləşib.

İngiltərə klubunun mətbuat xidmətinin məlumatına görə, niderlandlı mütəxəssis ilə 2,5 illik müqavilə imzalanıb. Van Nistelroy baş məşqçi vəzifəsində bir neçə gün əvvəl istefaya göndərilən Stiv Kuperi əvəzləyib. Kuper uğursuz nəticələrə görə işini itirmişdi. “Lester” ölkə çempionatında 13 turdan sonra 10 xalla 16-cı yeri tutur.

Van Nistelroy bundan əvvəl müvəqqəti olaraq “Mançester Yunayted”i çalışdırıb. Maraqlıdı ki, onun komandası Liqa Kuboku (5:2) və premyer-liqada (3:0) 2 dəfə “Lester”i böyük hesabla məğlub edib.