“Zirə” Bizon Azərbaycan Kubokunun 1/8 finalında “Neftçi”ni məğlub etdi - 1:0.

"Qartallar"ın baş məşqçisi Rəşad Sadıqov oyunsonrası mətbuat konfransında fikirlərini bölüşdü.

- Hamının maraqla gözlədiyi oyun idi. Hər iki komanda bunun haqqını verdi. Mübarizə getdi. Oyundan həzz aldım. Sürətli, maraqlı oyun oldu. Heyətində güclü futbolçuları olan komandaya qarşı oynadıq. Oyunun sonlarında üstünlük bizdə idi. Şükürlər olsun ki, qol vura bildik. Futbolçuları, azarkeşləri və rəhbərliyimizi təbrik edirəm.

- Cibrila niyə əvəzləndi? Və Martins də ehtiyatda başlamışdı. Qol vuracağını hiss etmişdiz?
- Ötən oyunda Junior yaxşı oynamışdı. Özü ilə oyunöncəsi danışmışdıq. İssanı dəyişməyə ürəyim gəlmirdi. 90 dəqiqə də onun üçün çox idi.

- Junior Martins qol vurandan sonra rəqib azarkeşləri qıcıqlandırdı. Konate də ona qoşuldu. Bu Rəşad Sadıqovun futbolçularına yaraşan hərəkət deyil axı…
- Görmədim. Edibsə, səhv edib. Nə komandamıza, nə mənə, nə də özünə yaraşan hərəkətdi. Rəqib futbolçuları, azarkeşləri qıcıqlandırmaq doğru deyil. Mütləq bu barədə tədbir görəcəm.

MÜZƏFFƏR QULUZADƏ