Polşada Robert Levandovskinin yeni kitabı işıq üzü görüb.

"Football-plus.az" xəbər verir ki, həmin kitabda polşalı ulduzun “Barselona”da keçirdiyi ilk mövsümlə bağlı çox maraqlı epizod da yer alıb. Belə məlum olur ki, kataloniyalıar həmin vaxt ondan qol vurmağı dayandırmağı xahiş edib. Bu xahişin səbəbi isə pula qənaət etmək niyyəti olub.

“Daha qol vurmağını istəmirik”
Sebastyan Staşevskinin yazdığı “Əsl Levandovski” adlı kitab vətənində böyük əks-səda doğurub. Futbolçu özü də yaxınlarda keçirdiyi mətbuat konfransında etiraf edib ki, kitabı böyük məmnunluqla oxuyur.

Kitabda yer alan tarixçələrdən biri “Barsa”nın təəccüb doğuran xahişi ilə bağlıdı. Sən demə, klub rəhbərliyi İspaniya çempionatının 2022/23 mövsümünün sonunda futbolçudan qol vurmağı dayandırmağı xahiş edib. Kataloniyalılar bu yolla Robertin keçidi zamanı müqaviləsində yer alan, “Bavariya”ya bonus ödəməklə bağlı bənddən qurtulmaq istəyirmiş. Kitabın müəllifi iddia edir ki, Levandovski həmin mövsüm 25 qol həddinə çatsaymış, İspaniya klubu münhenlilərə 2,5 milyon avro ödəməliymiş.

Müəllifin yazdığına görə, Xavinin çalışdırdığı “Barsa” həmin vaxt artıq titulu təmin edibmiş, Levandovski isə mövsüm boyunca parlayırdı. Məşqlərin birindən sonra onu klub rəhbərliyi ilə görüşə çağırıblar, prezident Xuan Laporta da otaqda olub. Bosslardan biri Robertə düşündürücü təklif edib:

Polşalı ulduz onu təəccüb içində baxıb. Çempionluğun və ən yaxşı bombardir titulunun taleyinin həll olunmasına baxmayaraq, yüksək səviyyədə keçirdiyi uzunmüddətli karyerası boyunca heç vaxt kimsə ona bilərəkdən qol vurmamağı təklif etməmişdi. Nəticədə Leva mövsümü 23 qolla bitirdi, son iki turda, yəni “Malyorka” (3:0) və “Selta” (1:2) ilə oyunlarda fərqlənmədi.

Bioqrafik kitabda ulduzun karyerası ilə bağlı çoxlu şəxsi və peşə detalları, həmçinin yığma ilə bağlı münaqişənin bəzi epizodları açıqlanıb. Almaniyanın “Bild” nəşri isə noyabrın ilk günlərdində futbolçu ilə bağlı daha bir maraqlı xəbər yayıb: sən demə, transferdən üç il ötməsinə baxmayaraq, “Barselona”nın hələ də “Bavariya”ya 20 milyon avro borcu qalır.

Levandovski mövsümü necə keçirir?
Xatırladaq ki, Robert “Bavariya”dan Kataloniya klubuna 2022-ci ilin iyulunda 45 milyon avroya keçib. O, “Barsa”nın heyətində iki dəfə (2022/23, 2024/25) İspaniya çempionu olub, iki dəfə (2023, 2025) İspaniya Superkubokunu, bir dəfə (2024/25) ölkə kubokunu qazanıb.

Leva cari mövsümdə müxtəlif turnirlər çərçivəsində keçirdiyi 12 oyunda 7 qol vurub. Yaxınlarda insayder Fabritsio Romano polşalı ulduzun qış “transfer pəncərəsi”də klubdan ayrılmağı istisna etdiyini xəbər verib. Onun yazdığına görə, 37 yaşlı forvard komandanın oyunlarına köklənib, 2026-da bütün mümkün titulları qazanmaq niyyətindədi. Polşalının klubla müqaviləsinin müddəti gələn yay bitəcək.

Robert noyabrın 17-də Malta yığması ilə oyunun (3:2) 32-ci dəqiqəsində Polşa yığmasının heyətində 88-ci qolunu vurub və milli komandanın bir nömrəli bombardiridi.