“Qarabağ” italyanla danışıqlara başladı - RƏSMİ AÇIQLAMA
Emanuele Culianellinin "Qarabağ" haqda yazdığı kitabın ingilis versiyası təqdim olunub.
Yazar bu haqda "tvitter" səhifəsində paylaşım edib:
"Kitab artıq mənim əllərimdədi. Bu, fantastikdi".
Sosial mediada yayınlanan kitab azarkeşlərin marağına səbəb oldu. Bəs futbolsevərlər onu necə əldə edə bilər? Sualımızı "Qarabağ"ın mətbuat xidmətinin rəhbəri Gündüz Abbaszadəyə ünvanladıq. Klub rəsmisinin “Football-plus.az” saytına cavabı belə oldu:
"Bu kitabın müəllifi Emanuele Culianellidi. "Qarabağ" Çempionlar Liqasında qrup mərhələsinə vəsiqə qazananda italyan dilində kitab çıxmışdı. Həmin kitabı ingilis dilinə tərcümə edib. Yeni nəşrdi. Bu kitabı internet üzərindən əldə etmək olar. "Amazon.com"da satılır. Hazırda müəlliflə danışırıq. İstəyirik ki, kitabın Azərbaycanda da satışına kömək edək".
Qeyd edək ki, Culianelli bundan öncə “Qarabağ” – şəhəri olmadan Avropanı fəth edən komanda” kitabını 2018-ci ildə təqdim edib.
GÜNAY VƏLİYEVA
Digər xəbərlər
