Levandovski + Flik = dünya səviyyəli hücumçu!
“Bild” Robert Levandovskinin “Barselona”da qazandığı uğurlardan bəhs edib.
“Football-plus.az” xəbər verir ki, nəşr 36 yaşlı hücumçunun uğurlarında baş məşqçisi Hans-Diter Flikin danılmaz rolunun olduğunu yazıb. Polşalı hücumçu cari mövsümdə meydana çıxdığı 11 matçda 12 qol, 2 məhsuldar ötürmə müəllifi olub.
Almaniya mətbuatı dünyanın ən yaxşı 5 liqasında (İngiltərə, İtaliya, İspaniya, Almaniya, Fransa) hazırda Levandovski qədər dəqiq olan futbolçunun olmadığını qeyd edir:
“Robert – Flik dueti bir-birini “Bavariya”da birlikdə çalışdıqları vaxtdan (2019-21) tanıyırlar. Hətta Levandovski o vaxt budesliqada qol rekordu qırmışdı! Polşalı 2020/21 mövsümündə 41 qolla Herd Müllerin rekordunu üstələdi. Ümumiyyətlə, Robert Flikin rəhbərliyi altında meydyana çıxdığı 82 oyunda 95 dəfə fərqlənib. Onun qol nisbəti 1,16-dı”.
“Bild”ə istinadla Robertin müxtəlif baş məşqçilərin rəhbərliyi altında qazandığı uğurların statistikasını təqdim edirik.
klub məşqçi oyun qol orta hesabla
1. Barselona, Bavariya Hans-Diter Flik 82 95 1,16
2. Bavariya Yulian Naqelsmann 46 50 1,09
3. Bavariya Niko Kovac 63 60 0,95
4. Bavariya Karlo Ançelotti 57 54 0,95
5. Bavariya Yupp Haynkess 36 28 0,78
6. Bavariya Pep Qvardiola 100 67 0,67
7. Barselona Xavi 95 59 0,62
8. Lex Posen Ceyk Zielinski 34 21 0,62
9. Borussiya D Yürgen Klopp 187 103 0,55
10. Lex Posen Frantişek Jmuda 48 20 0,42
Reaksiya
Flik:
“Robert Levandovskini Münhendən tanıyıram. İnanılmazdı. Qapı qarşısında və cərimə meydançasında ən yaxşısıdı. Etdikləri fantastikdi. Robert həmişə qol vurmağa hazırdı”.
Digər xəbərlər
