İtaliya yığmasının sabiq müdafiəçisi Mattia Kaldara karyerasını başa vurub.

"Football-plus.az" xəbər verir ki, 31 yaşlı futbolçu səhhəti ilə əlaqədar yaşıl meydanla vidalaşdığını bildirib.

Mattia “dizimdən zədə aldıqdan sonra bütün həyatım mənfiyə doğru dəyişdi. Karyeramın zirvəsində idim və bir neçə saniyə ərzində hər şey bitdi. Mən artıq özüm deyildim. Başımı qaldırıb küçədə gəzə bilmirdim. Kədər, məyusluq, depressiya... Artıq hər şeyi unutmaq, özümü bərpa etmək üçün karyeramı başa vurmaq qərarına gəldim” deyib.

“Milan”, “Atalanta” və “Yuventus”un formasını geyən Kaldaranın sonuncu klubu “Modena” olub.