Jerom Boatenq peşəkar futbolçu həyatı ilə bağlı vacib qərar verib. O, karyerasını başa vurub.

Almaniya yığmasının sabiq futbolçusu yaşıl meydandakı çıxışını başa vurub. O, bu haqda öz sosial şəbəkə hesablarında paylaşım edib. 37 yaşlı müdafiəçi futbolla vidalaşdığını bildirib. Boatenqin son klubu bu ilin avqustunda tərk etdiyi Avstriya LASK-ı olub. O, karyerası ərzində Almaniyanın “Hamburq”, “Herta” və “Bavariya”, İngiltərənin “Mançester Siti”, Fransanın “Lion” və İtaliyanın “Salernitana” klublarında da çıxış edib.

Jeromun Almaniya yığmasının formasında 76 dəfə meydana çıxdığını və 1 qol vurduğunu da qeyd edək.