40 yaşında “daha bəsdi” dedi

Nəhayət, Ben Foster “daha bəsdi” deyib. O, karyerasını başa vurmaq qərarına gəlib.

"Football-plus.az" xəbər verir ki, İngiltərə millisinin sabiq qapıçısı peşəkar futbolçu həyatına son verib. Bu barədə İngiltərənin 4-cü liqasında mübarizə aparan “Rekshem”in saytı məlumat yayıb. 40 yaşlı futbolçu qərarını belə açıqlayıb: “Sözün düzü, bu mövsüm istədiyim performansı göstərməyəcəyimi düşündüm. Fikrimcə, karyeramı başa vurmaq üçün doğru zaman yetişib”.

Foster karyerası ərzində “Mançester Yunayted”, “Vest Hem” və “Uotford”un da formasını geyib. O, 2007-14-cü illərdə İngiltərə millisində oynayıb. Maraqlıdı ki, Ben 2022-ci ilin sentyabrında da yaşıl meydanla vidalaşdığını bildirmişdi. Lakin bu ilin martında “Rekshem”lə müqavilə bağlayaraq karyerasını davam etdirmişdi. O, bu komandanın qapısını 12 oyunda qoruyub.