Çezare Prandelli karyerasını başa vurub.

"Football-plus.az" xəbər verir ki, İtaliya millisinin 65 yaşlı sabiq baş məşqçisi bu barədə jurnalistlərə özü açıqlama verib.

Prandelli futbolçu kimi “Kremoneze”, “Yuventus” və “Atalanta”da çıxış edb. Sabiq yarımmüdafiəçi 1984/85 mövsümündə “Yuventus”la Çempionlar Kubokunun qalibi olub. Futbolçu karyerasını 1990-cı ildə “Atalanta”da başa vurub və dərhal bu klubda məşqçi kimi fəaliyyətə başlayıb. O, karyerası ərzində “Leççe”, “Verona”, “Venetsiya”, “Parma”, “Roma”, “Fiorentina”, “Qalatasaray”, “Valensiya”, “Əl-Nəssr” və “Cenoa”nı çalışdırıb. 2010-14-cü illərdə İtaliya millisinə rəhbərlik edib və yığmanı AÇ-2012-nin finalına çıxarıb. Prandellinin məşqçilik karyerasında sonuncu klubu 2021-ci ilin martında ayrıldığı “Fiorentina” olub.

O, qərarını belə şərh edib: “Özümü yaxşı hiss edirəm, qalan şeylər mənim üçün vacib deyil. Bəzi təkliflər olub, indi amma xəyal etdiyim yeganə skamya parkda nəvələrimlə birgə əyləşdiyim yerdi. Məşqçilik fəaliyyətimi dayandırıram. Mən həyatdan həzz almaq istəyirəm”.