Gözəlbəyli Avropa kuboku oyununa təyinat aldı

17.11.2026 11:51 0
İdman
Azərbaycan Voleybol Federasiyasının (AVF) Kommunikasiya şöbəsinin rəhbəri Zöhrab Gözəlbəyli beynəlxalq yarışa təyinat alıb.

"Football-plus.az" xəbər verir ki, bu barədə Azərbaycan Voleybol Federasiyası (AVF) məlumat yayıb.

O, Avropa Voleybol Konfederasiyası (CEV) tərəfindən kişi voleybolçular arasında keçirilən Çelenc Kubokunun 1/32 final mərhələsinin qarşılaşmasına supervayzer təyin olunub.

Noyabrın 18-də Yunanıstanda keçiriləcək oyunda yerli “OFI Crete” komandası Almaniyanın “Helios Grizzlys Gıesen” klubu ilə üz-üzə gələcəklər.

Qarşılaşmanı türkiyəli Meryem Tekol Pelenk və serbiyalı Aleksandra Balanziç idarə edəcəklər.