İtaliya futboluna itki üz verib. Tanınmış məşqçi Covanni Qaleone vəfat edib.

"Football-plus.az" xəbər verir ki, karyerası ərzində “Napoli”, “Udineze”, “Komo” klublarını çalışdıran mütəxəssis 85 yaşında dünyasını dəyişib.

Qaleone bir çox məşhur simanı üzə çıxaran və yetişdirən məşqçi kimi də tanınır. Belə ki, hazırda “Roma” və “Milan”ın baş məşqçiləri Can Pyero Qasperini ilə Massimiliano Alleqri bir vaxtlar onun rəhbərliyi altında çıxış edib. Qasperini və Alleqri dəfələrlə Qaleoneni öz müəllimləri və futbola baxışlarını formalaşdıran şəxs adlandırıblar. Bundan əlavə, Qaleone Cennaro Qattuzo və Marko Campaolonun da püxtələşməsinə vasitəçi olub.

Onun məşqçi karyerasının ən böyük uğuru isə 1986/87 mövsümündə “Peskara” ilə B seriyasının çempionu olmasıdı. Maraqlıdı ki, həmin illərdə gənc olan Alleqri məhz “Peskara”da çıxış edib.